အနိုင်ရတယ်ဆိုပေမယ့် .... ရှုံးနေပါပြ

2:04 AM Posted In Edit This 0 Comments »
နုပျိုတဲ့ဇနီးမောင်နှံနှစ်ဦး အသစ်ပြောင်းလာတဲ့ အိမ်ခန်းထဲမှာ ပရိဘောဂတွေ
နေရာချရင်း ငြင်းခုန်နေကြတယ်။ ကောင်မလေး စွာသမျှ ကောင်လေးက တင်းခံတယ်။
တအောင့်နေတော့ နှစ်ယောက်စလုံး ဘာမှမလုပ်နိုင်၊ မပြောနိုင်ဘဲ
ငြင်းခုန်တာနဲ့တင် လက်ပန်းကျကုန်ကြတယ်။ မိနစ်အနည်းငယ်ကြာတော့
အနှိမ်ခံရတဲ့ ကောင်လေးက စကားစတယ်။

"မိန်းမရယ်.... နင်ပြောသမျှ မှန်တယ်ထားဦး
ငါ့ကိုအနိုင်လိုချင်တဲ့စိတ်နဲ့ပဲ လှပတဲ့ဒီညကို နင်အကျည်းတန်စေတော့မလား?"

"ငါ့ကိုအနိုင်လိုချင်တဲ့စိတ်နဲ့ပဲ လှပတဲ့ဒီညကို နင်အကျည်းတန်စေတော့မလား?"
ကောင်လေးပြောတဲ့စကားက တိုတိုလေးပါ။ ဒါပေမယ့် "အနိုင်"လိုချင်သူကို
တွေးစရာတွေ အများကြီးပေးလိုက်တယ်။

"တချို့အချိန်မှာ မင်းအနိုင်ရတယ်ဆိုပေမယ့် မင်းရှုံးနေပါပြီ" ဒီစကားကို
ကျွန်တော်အရမ်းနှစ်သက်မိတယ်။

တကယ်လည်း တချို့အချိန်မှာ ကျွန်တော်တို့ အနိုင်ရလိုက်တယ်ဆိုပေမယ့်
ခံစားမှုအပိုင်းမှာ ကျွန်တော်တို့ ရှုံးသွားတယ်။ ငြင်းခုန်တဲ့နေရာမှာ
ကျွန်တော်တို့နိုင်လိုက်တယ်ဆိုပေမယ့် ဟန်ပန်အမှုအရာမှာ
ကျွန်တော်တို့ရှုံးသွားတယ်။ တစ်ဘက်လူကို
အနိုင်နဲ့ပိုင်းလိုက်နိုင်တယ်ဆိုပေမယ့် ခင်မင်မှုမှာ
ကျွန်တော်တို့ရှုံးသွားတယ်။

တစ်ခါတလေ နိုင်တယ်လို့ ကျွန်တော်တို့ထင်ထားတာတွေက တကယ်တမ်းတော့
ရှုံးနေတာတွေဖြစ်တယ်။ လူတစ်ယောက် သို့မဟုတ် ပြဿနာတစ်ခုကို
ဖြေရှင်းချိန်မှာ "အကျိုးအကြောင်း" ရှိရမယ်။ မျက်ထောင့်နီကြီးနဲ့
လည်ပင်းရိုးတွေထောင်တဲ့အထိ ကျွန်တော်တို့ "အားပြိုင်" နေဖို့မလိုဘူး။

"ညှာတာ၊ သင့်မြတ်"တဲ့အပြုအမှုက "ကြမ်းတမ်း၊ သန်မာ"တဲ့ အပြုအမှုထက် လူတွေလက်ခံကြတယ်။

လောကကြီးမှာ လူ(၄)မျိုးရှိတယ်။

ပထမလူက ကိုယ်ပိုင်ဟန် မရှိသူ၊ ဆင်ခြေတုံတရား နည်းပါးသူ၊ စိတ်သဘောထား
မပြည့်ဝသူဖြစ်တယ်။

ဒုတိယလူက ကိုယ်ပိုင်ဟန် မရှိသူ၊ ဆင်ခြေတုံတရား နည်းပါးသူ၊ စိတ်သဘောထား
ပြည့်ဝသူဖြစ်တယ်။

တတိယလူက ကိုယ်ပိုင်ဟန်ရှိတယ်၊ ဆင်ခြေတုံတရားလည်းရှိတယ်၊ ဒါပေမယ့်
"တဇွတ်ထိုး"လုပ်တတ်သူဖြစ်တယ်။

စတုတ္ထလူက ကိုယ်ပိုင်ဟန်ရှိတယ်၊ ဆင်ခြေတုံတရားရှိတယ်၊ ညင်ညင်သာသာ
ပြုမှုပြောဆိုတတ်တယ်။

ပထမလူမျိုးက ဘာမှမပိုင်ဆိုင်တဲ့ "သနားစရာ" ပုဂ္ဂိုလ်ဖြစ်တယ်။
ဒုတိယလူမျိုးက ကိုယ်ပိုင်ဟန်မရှိတဲ့ "မဆင်မခြင်" ပုဂ္ဂိုလ်ဖြစ်တယ်။
တတိယလူမျိုးက လူလူချင်းပေါင်းသင်းဆက်ဆံတဲ့ အနုပညာကိုမသိတဲ့
"စက်ရုပ်"ပုဂ္ဂိုလ်ဖြစ်တယ်။
စတုတ္ထလူမျိုးက အိန်လ်ဂျယ်နဲ့တူတဲ့ "ချစ်စရာ" ပုဂ္ဂိုလ်ဖြစ်တယ်။
စတုတ္ထလူမျိုးကသာ လောကကြီးကို တကယ့်အောင်နိုင်သူဖြစ်တယ်။

ပျော်ရွှင်ခြင်းကို ဖမ်းဆုပ်ပါ

6:01 PM Posted In Edit This 0 Comments »
တချို့ကပြောတယ်။ ယောက်ျားနဲ့မိန်းမဆိုတာ မတူတဲ့ဂြိုလ်တွေက
ဆင်းသက်လာတာကြောင့် တစ်ယောက်ကိုတစ်ယောက် နားလည်ဖို့ခက်သတဲ့။

ပျော်ရွှင်ခြင်းဆိုတာ ဘုရားသခင်ပေးသမျှကို ခံစားတတ်ခြင်းပဲလို့

ကျွန်တော်ဆိုချင်ပါတယ်။

ဥပမာ-- (၁) တစ်ဘက်လူရဲ့ ဘဝအခြေအနေကို လေးစားပါ


ကျွန်တော်သိတဲ့ ကောင်မလေးတစ်ယောက်က ရုပ်ချောတဲ့အပြင်

အရည်အချင်းလည်းရှိတယ်။ ဒါပေမယ့် သူ့ကို ကြိုက်မယ့်သူ မရှိဘူးဖြစ်နေတယ်။
နောက်တော့ သူ့ကို ကျွန်တော်ကောင်လေးတစ်ယောက်နဲ့ မိတ်ဆက်ပေးလိုက်တယ်။
အဲဒီမှာသူတို့ချစ်သွားတယ် ဆိုပါတော့။ သူတို့ဟာ အရမ်းလိုက်ဖက်တဲ့အတွဲလို့
လူတွေပြောကြတယ်။ ဒါပေမယ့် သိပ်မကြာပါဘူး.. သူတို့ လမ်းခွဲလိုက်ကြတယ်။

နောက်မှ ကျွန်တော်အကြောင်းစုံသိရတာက မိန်းကလေးက ကောင်လေးကို

ကျောင်းဆက်တက်စေချင်တယ်။ ဒါမှ ယှဉ်ပြိုင်မှုတွေကို
အောင်နိုင်မယ်လို့ဆိုတယ်။ ကောင်လေးကိုအတင်းအဓမ္မ စာကျက်ဝိုင်းတွေ
တက်စေတယ်။ ဒါမှ "နှစ်ယောက်အတူ ရှင်သန်ကြီးပြင်းနိုင်မယ်"လို့ဆိုတယ်။
ဒါပေမယ့် ကောင်လေးက စာမဖတ်ချင်ဘူး။ တနင်္ဂနွေနေ့ရောက်တိုင်း ကောင်မလေးက
ကောင်လေးကို ဘုရားကျောင်းတွေ အတင်းတက်ခိုင်းတယ်။ "ဘာသာတစ်ခုထဲကို
နှစ်ယောက်အတူ ယုံကြည်ကိုးကွယ်မှ ချစ်ခြင်းတွေ ကြာရှည်တည်မြဲစေမယ်" လို့
ကောင်မလေးကဆိုတယ်။

စစချင်းမှာ ကောင်မလေးရဲ့ တောင်းဆိုသမျှကို ကောင်လေးလိုက်လျောခဲ့တယ်။

ဒါပေမယ့် ရက်ကြာလာတာနဲ့အမျှ ဒါတွေကို ညှင်းပန်းနှိပ်စက်မှုတစ်မျိုးလို့
သူမြင်လာတယ်။

"ကျွန်တော့်ကို သူအရမ်းဖိအားပေးတယ်။ ဒါတောင် မင်္ဂလာမဆောင်ရသေးပါဘူးဗျာ..

မင်္ဂလာဆောင်ပြီး အတူနေရင် ဒီထက်ပိုဆိုးမယ်" လို့ ကောင်လေးက ပြောပါတယ်။

"ကျွန်မတို့ရဲ့အနာဂတ်အတွက် ကျွန်မပြင်ဆင်တာပဲ.. ကျွန်မ မှားလို့လား" လို့

ကောင်မလေးက စိတ်ပျက်လက်ပျက်ပြောတယ်။

တစ်ယောက်ကိုတစ်ယောက် ဘယ်လောက်ပဲချစ်ချစ် လူတိုင်းမှာ ကိုယ်ပိုင်အမြင်၊

လွတ်လပ်မှုတွေရှိတယ်။ ကျွန်တော်တို့ "ကောင်းတယ်" လို့ ထင်တဲ့အရာက
တခြားလူရဲ့အမြင်မှာ ကောင်းချင်မှကောင်းလိမ့်မယ်။ ကိုယ့်အထင်၊
ကိုယ့်အမြင်၊ ကိုယ့်ဆုံးဖြတ်ချက်နဲ့ တခြားလူအပေါ် အတင်းအဓမ္မ ဝတ်မပေးပါနဲ့။

ဥပမာ--(၂) တစ်ဘက်လူရဲ့ဂုဏ်သိက္ခာကို လေးစားရမယ်


ကျွန်တော်တို့ဟာ အရင်းနှီးဆုံးသူတွေနဲ့ ပြောဆိုဆက်ဆံလေ မယဉ်ကျေးလေ

အမြဲဖြစ်တတ်တယ်။ ဒီလို တစ်ဘက်သားကို မလေးစားတတ်မှုတွေက နောက်ဆုံးမှာ
ရင်းနှီးမှုတွေကို လဲပြိုစေတဲ့ ကောက်ရိုးတစ်မျှင်ဖြစ်တယ်။

အင်တာဗျူးတစ်ခုမှာ မင်းသမီးတစ်ဦးက သူ့ချစ်သူဟောင်းအကြောင်း ပြောပြတယ်။

သူတို့လမ်းခွဲရတဲ့အကြောင်းကို ပြန်သုံးသပ်ပြတယ်။ "ကိုယ့်ကိုယ်တိုင်ကို
ပိုအလေးထား" မိတဲ့အတွက် သူတို့လမ်းခွဲခဲ့ရတယ်လို့ ဆိုတယ်။ အရင်က သူ့အတွက်
သူ့ချစ်သူ ပေးဆပ်သမျှ၊ အကောင်းလုပ်ပေးသမျှကို လုပ်သင့်လုပ်ထိုက်တယ်လို့ပဲ
သူထင်ခဲ့တယ်။ တကယ်လို့ ချစ်သူက အမှားလေးတစ်ခုခု၊ ဒါမှမဟုတ် သူ့ကို
ဥပေက္ခာပြုမိတာနဲ့ သူစိတ်တိုဒေါသထွက်ပြီး ချစ်သူကို ရန်ရှာခဲ့တယ်။
ဒီလိုနဲ့နောက်ဆုံးမှာ ချစ်သူက သူ့ကိုလမ်းခွဲဖို့ စကားစခဲ့တယ်လို့ဆိုတယ်။
"နင်ငါ့ကို ချစ်သူလို မဆက်ဆံဘဲ လက်အောက်ငယ်သားလို ဆက်ဆံနေတယ်"
ဆိုတဲ့ချစ်သူရဲ့ စကားတစ်ခွန်းက သူ့အမှားကို သူသိစေခဲ့တယ်လို့
မင်းသမီးကပြောပါတယ်။

သေချာစဉ်းစားကြည့်ပါ.... သင် နောက်ဆုံးအကြိမ် ဘယ်သူ့အပေါ်

သည်းခံစိတ်ပျောက်ခဲ့သလဲ? စိတ်တိုဒေါသထွက်ခဲ့သလဲ? များသောအားဖြင့် အဖြေက
ကိုယ့်မိသားစု၊ ကိုယ့်ချစ်သူ အပေါ်မှာပဲဖြစ်တယ်။ တကယ်တော့ သူတို့ဟာ
ကိုယ်နဲ့ပိုရင်းနှီး ပိုလေးစားရမယ့်လူတွေဖြစ်တယ်။ တစ်ဘက်လူကို
လေးစားရမယ့် အမှုအကျင့်တွေ မဲ့လာတာနဲ့အမျှ ကျွန်တော်တို့ကြားက
အချစ်တွေလည်း လျော့လျော့လာမှာဖြစ်တယ်။ ဒါဟာလုံးဝ မဖြစ်ထိုက်တဲ့အရာတွေပါ!

ဥပမာ-- (၃) ဝေဖန်ခြင်းကို ချီးမွမ်းခြင်းဖြင့် အစားထိုးပါ


ကျွန်တော်တို့က တခြားလူကို စကားမာတွေနဲ့ ပြောဆိုဆက်ဆံနိုင်ပေမယ့်

တခြားလူဆီကနေတော့ နူးညံ့တဲ့တုန့်ပြန့်မှုကို လိုချင်ကြတယ်။
နူးညံ့သိမ်မွေ့တဲ့စကား၊ တည့်မတ်အကောင်းမြင်တဲ့စကားတွေက သံထည်လို
မာကျောတဲ့ နှလုံးသားကိုတောင် အရည်ပျော်စေနိုင်ပါတယ်။

မိန်းမကြီးတစ်ဦးဟာ သူ့ယောက်ျား အမှိုက်သွန်ပျင်းတဲ့အကြောင်းကိုပဲ

ပြောဆိုညည်းတွားနေခဲ့တယ်။ ဒီလိုကိစ္စအသေးအမွှားက သူ့ကိုအမြဲ
စိတ်တိုဒေါသထွက်စေပြီး လင်ယောက်ျားကို အိမ်ထောင့်တာဝန် မမျှဝေသူ၊
သူ့ပင်ပန်းတာကို နားမလည်သူဆိုပြီး ဆဲဆိုနေခဲ့တယ်။ အဲဒီလို
ဆဲဆိုဒေါသဖြစ်တဲ့အပြင် လင်ယောက်ျားကိုလည်း စကားမခေါ်မပြောပဲနေတယ်။
သူဘယ်လိုစိတ်တိုတို၊ ဘာနည်းနဲ့ပဲ သုံးခဲ့သုံးခဲ့ ယောက်ျားဖြစ်သူ
အမှိုက်သွန်ဖို့အရေးကို မလှုံဆော်နိုင်ခဲ့ဘူး။

ဒီလိုနဲ့တစ်နေ့မှာ သားရဲ့မူကြိုဆရာမက "ရှင့်ယောက်ျားကို ကလေးတစ်ယောက်လို

သဘောထားပါ။ ၅နှစ်အရွယ် ကလေးတစ်ယောက်ကို စကားပြောတဲ့ လေသံနဲ့ပြောကြည့်ပါ"
လို့ သူ့ကို အကြံပေးခဲ့တယ်။

ဆရာမရဲ့ အကြံကို မယုံတစ်ဝက် ယုံတစ်ဝက်နဲ့ သူစမ်းသပ်ခဲ့တယ်။

အမှိုက်ကားလာတဲ့အချိန် ဧည့်ခန်းမှာ ခြေချိတ်ပြီး အခန့်သား
တီဗီထိုင်ကြည့်နေတဲ့ ယောက်ျားကို လေသံလျော့ပြီး သူပြောလိုက်တယ်။

"ယောက်ျားရေ... ငါ့ကို အမှိုက်သွန်ပေးနိုင်မလား? သွန်ပေးနိုင်ရင်

ငါ့ကိုနင် အများကြီး ကူညီလိုက်တာပဲ"

အမှိုက်သွန်ပြီးပြန်လာတဲ့ ယောက်ျားကို (၅)နှစ်အရွယ်ကလေးတစ်ယောက်ကို

ချီးမွမ်းလိုက်သလို သူချီးကျူးလိုက်သေးတယ်။

"အရမ်းကျေးဇူးတင်တယ်။ ငါ့အပေါ် နင်အရမ်းသိတတ်တာပဲ!"


အဲဒီနောက်မှာတော့ မိန်းမဖြစ်သူဟာ စိတ်တိုဒေါသထွက်၊ မျက်နှာဆူပုပ်တဲ့

အပြုအမှုတွေ မလုပ်ခဲ့သလို ယောက်ျားဖြစ်သူကလည်း သူ့အသိနဲ့သူ အမှိုက်တွေ
ကူသွန်ပေးခဲ့တယ်။ "ကဲ့ရဲ့ဝေဖန်"တာကို "ချီးမွမ်း" တာနဲ့ အစားထိုးတာဟာ
အရာရာကို အကောင်းဘက် ပြောင်းလဲစေပါတယ်။

လူတွေအချင်းချင်း ပြောဆိုဆက်ဆံရာမှာ ကိုယ့်ထင်မြင်ချက်၊ ကိုယ့်အယူတွေကို

ရှေ့တန်းတင်ပြီး ပြောဆိုဆက်ဆံတတ်ကြတယ်။ ဒီလိုအခြေအနေမျိုးမှာ
ငြင်းခုန်ရန်ဖြစ်ဆိုတဲ့ဘက်ကို အများဆုံး ဦးတည်နေပါတယ်။ လောကကြီးမှာ
ကျွန်တော်တို့ အချင်းချင်းလာဆုံကြတယ်။ ချစ်ကြိုက်ကြတယ်။ အပြစ်မြင်တာကို
ခွင့်လွတ်တာနဲ့ အစားထိုးမယ်၊ တစ်ဘက်လူရဲ့ ကောင်းကွက်တွေကို
တန်ဖိုးထားမယ်။ ဒါမှ ပျော်ရွှင်ခြင်းသော့ကို
သင်မြဲမြဲဆုပ်ကိုင်နိုင်မှာဖြစ်တယ်။

99 family !

5:52 PM Posted In Edit This 0 Comments »
ဟိုရှေးရှေးတုန်းက လောကကြီးတစ်ခုလုံးကို ပိုင်စိုးထားတဲ့
ဘုရင်ကြီးတစ်ပါးရှိတယ်။ ဘုရင်ကြီးဟာ အရာရာကို ပိုင်ဆိုင်ထားသည့်တိုင်
အလိုဆန္ဒမပြည့်ဝခဲ့ဘူး၊ မပျော်ရွှင်ခဲ့ဘူး။ ပျော်ရွှင်ပွဲတွေ၊ ညစာစားပွဲတွေ
ကျင်းပခဲ့လည်း သူ့ဘ၀ဟာ ဘာဖြစ်လို့ မပျော်ရွှင်မှန်း၊ အလိုမကျမှန်း
ဘုရင်ကြီးလည်း စိတ်ရှုပ်နေခဲ့တယ်။

တစ်နေ့မှာ ဘုရင်ကြီးဟာ မနက်စောစောထိပြီး နန်းတော်ထဲ

လှည့်ပတ်ကြည့်ရှုခဲ့တယ်။ စားဖိုဆောင်အရောက်မှာ ပျော်ပျော်ရွှင်ရွှင်
သီချင်းညည်းနေသံကို သူကြားလိုက်မိတယ်။ အသံလာရာနောက်
ဘုရင်ကြီးလိုက်ကြည့်တော့ စားဖိုမှူးတစ်ဦးဖြစ်နေတာကို တွေ့တယ်။
သီချင်းညည်းနေတဲ့ စားဖိုမှူးရဲ့မျက်နှာပေါ်မှာ အပျော်တွေ ထင်ဟပ်နေတယ်။

ဘုရင်ကြီးက တအံ့တသြနဲ့ စားဖိုမှူးကို ဘာကြောင့် ဒီလောက်ပျော်ရွှင်ရသလဲလို့ မေးတယ်။


"အရှင်မင်းကြီး၊ ကျွန်တော်မျိုးဟာ စားဖိုမှူးတစ်ဦးသာဖြစ်ပေမယ့်

ကျွန်တော်မျိုးရဲ့ဇနီး၊ သားသမီးတွေကို ကျွန်တော်မျိုးတတ်နိုင်သလောက်
ပျော်ရွှင်စေပါတယ်။ ကျွန်တော်မျိုးတို့ သိပ်များများ မလိုပါဘူး။ နေဖို့
တဲအိမ်တစ်လုံးရှိမယ်၊ ဗိုက်ထဲမှာ အဆာရှိမယ်ဆိုရင် လုံလောက်ပါပြီ။ ဇနီးနဲ့
သားသမီးတွေက ကျွန်တော့်စိတ်ဓာတ်ကို ပံ့ပိုးကူညီသူတွေဖြစ်တယ်။ အိမ်ကို
ကျွန်တော်ယူပြန်တဲ့ ဘာသေးသေးမွှားမွှားအရာမဆို သူတို့အလိုကို ပြည့်စေပါတယ်။
ကျွန်တော်မျိုးမိသားစုတွေ ပျော်ရွှင်လို့ ကျွန်တော်မျိုးလည်း
ဒီလိုနေ့တိုင်းပျော်ရွှင်နေရတာပါ" လို့ စားဖိုမှူးက ဖြေတယ်။

ဘုရင်ကြီးဟာ စားဖိုမှူးပြောတဲ့စကားတွေကို အမတ်ကြီးတစ်ဦးနဲ့

တိုင်ပင်ဆွေးနွေးတယ်။ အမတ်ကြီးက "အရှင်မင်းကြီး ဒီစားဖိုမှူက ၉၉
မိသားစုမဖြစ်သေးလို့ပါ" လို့ပြောတယ်။

"၉၉မိသားစု? ၉၉မိသားစုဆိုတာ ဘာလဲ" လို့ ဘုရင်ကြီးက သိလိုစိတ်နဲ့မေးတယ်။


"၉၉မိသားစုဆိုတာကို သိချင်ရင် အရှင်မင်းကြီး ဒီလိုလုပ်ပါ။ ပထမဦးဆုံး

အထုပ်တစ်ထုပ်ထဲ ငွေပြား ၉၉စေ့ကိုထည့်ပြီး စားဖိုမှူးရဲ့ အိမ်တံခါးဝမှာ
သွားချထားပါ။ ၉၉မိသားစုအကြောင်း အရှင်မင်းကြီး အမြန်ဆုံး သိလာပါလိမ့်မယ်"

အမတ်ကြီးပြောသလို ဘုရင်ကြီးဟာ ငွေပြား၉၉စေ့ ထည့်ထားတဲ့အထုပ်ကို

ပျော်ရွှင်တဲ့စားဖိုမှူးအိမ်ရှေ့မှာ သွားချထားလိုက်တယ်။

အိမ်ပြန်လာတဲ့ စားဖိုးမှူးဟာ အထုပ်ကိုတွေ့တာနဲ့ သိလိုစိတ်ပြင်းပြပြီး

အထုပ်ကိုဖြည်ကြည့်လိုက်တယ်။ အထဲမှာ ငွေကြေးတွေကိုတွေ့တော့ ၀မ်းသာအားရ
အော်ပါတယ်။

"အလို... ငွေတွေ... ဒီလောက်များတဲ့ ငွေတွေ!"


စားဖိုးမှူးဟာ အထုပ်ကို စားပွဲပေါ်ဖြည်ချပြီး ငွေတွေကို စရေတွက်တော့တယ်။


၉၉စေ့!


ဒီအရေအတွက် မဖြစ်နိုင်ဘူးဆိုပြီး ငွေတွေကို သူထပ်ရေတွက်ပြန်တယ်။ ဒါပေမယ့်

ဘယ်လိုရေရေ ငွေပြားတွေဟာ ၉၉စေ့ဖြစ်နေတယ်။ စားဖိုမှူးရဲ့ စိတ်တွေ
ရှုပ်ထွေးစပြုလာတယ်။ ၉၉စေ့ မဖြစ်နိုင်ဘူး? ဘယ်သူကမှ ၉၉စေ့ပဲ
ထည့်ထားမှာမဟုတ်ဘူး။ ကျန်တဲ့ငွေပြား၁စေ့ ဘယ်ရောက်သွားပြီလဲ?

ဒီလိုနဲ့ ငွေပြားတစ်ပြားကို စားဖိုးမှူး စရှာတော့တယ်။

အိမ်ထဲအိမ်ပြင်မကျန် ရှာတယ်။ အိမ်ဝင်းထဲရှာတယ်။
ပင်ပန်းနွမ်းနယ်တဲ့အထိရှာလည်း ငွေတစ်ပြားကို မတွေ့ခဲ့ဘူး။ သူတစစ
မျှော်လင့်ချက်တွေမဲ့လာတယ်။ စိတ်ထဲမှာလည်း မပျော်ရွှင်တော့ဘူး။
ငွေတစ်ပြားကို မနက်ဖြန်ထပ်ကြိုးစားရှာမယ်လို့ သူဆုံးဖြတ်လိုက်တယ်။ ဒါမှ
သူ့ငွေပြားတွေ တစ်ရာပြည့်မယ်။

ညက ငွေတစ်ပြားရှာရတဲ့ဒဏ်ကြောင့် နောက်တစ်နေ့မနက်မှာ

အိပ်ရာထနောက်ကျခဲ့လို့ စားဖိုမှူးစိတ်မရွှင်ဖြစ်နေတယ်။ သူ့ကိုဘာဖြစ်လို့
မနှိုးရတာလည်းလို့ ဇနီးနဲ့ သားသမီးတွေကို သူအော်ငေါက်မိတယ်။
ငွေတစ်ပြားရှာဖို့ သူ့အချိန်တွေ ထိခိုက်ကုန်ပြီလို့ဆိုတယ်။

စားဖိုဆောင်ကို သူအလျင်စလိုရောက်လာခဲ့တယ်။ သူ့ပုံစံက ခါတိုင်းလို

ပျော်ပျော်ရွှင်ရွှင် ဖြစ်မနေဘူး။ သီချင်းတွေလည်း မညည်းနိုင်သလို၊ လေလည်း
မချွန်နိုင်တော့ဘဲ ခေါင်းငုံ့ပြီး အလုပ်တွေပဲ သိမ်းကျူံးလုပ်နေခဲ့တယ်။
ဘုရင်ကြီး သူ့ကို တိတ်တိတ်လေး အကဲခတ်နေတယ်ဆိုတာကိုလည်း သူ
သတိမထားနိုင်ခဲ့တော့ဘူး။

စားဖိုမှူးရဲ့စိတ်တွေ ဒီလောက်အပြောင်းကြီးပြောင်းသွားခဲ့တာကို

ဘုရင်နားမလည်နိုင်ဖြစ်ခဲ့တယ်။ ဒီလောက်များတဲ့ငွေကိုရတဲ့ စားဖိုမှူးဟာ
ပိုပျော်သင့်တယ်လို့ ဘုရင်ကြီးထင်ခဲ့တယ်။ ဒီလိုနဲ့ အမတ်ကြီးကို
မေးမြန်းပြန်တယ်။ အမတ်ကြီးက "အရှင်မင်းကြီး .. ဒီစားဖိုမှူးဟာ
၉၉မိသားစုထဲ လုံးဝ ၀င်ရောက်လာပါပြီ" လို့ ဖြေပါတယ်။

၉၉မိသားစုဆိုတာ သူတို့ဘယ်လောက်ပဲ ပိုင်ဆိုင်ထားသည့်တိုင်

မပြည့်ဝတတ်သူတွေဖြစ်တယ်။ သူတို့ဟာ အဲဒီထပ်ဖြည့်မယ်ငွေကြေး "တစ်ပြား"အတွက်
အလုပ်တွေကို နေ့မအား ညမအားလုပ်ကြတယ်။ "ရာ"ပြည့်မယ့်
သူတို့ရဲ့လိုအင်ဆန္ဒအတွက် ပင်ပင်ပန်းပန်း အလုပ်လုပ်ကြတယ်။ "ရာ"
ပြည့်နိုင်ဖို့ "တစ်"ကို အားအင်ကုန်ခမ်းတဲ့ထိ လိုက်ရှာပြီး
ပျော်ရွှင်ခြင်းတွေ၊ ကျန်းမာရေးတွေစွန့်တဲ့လူတွေဟာ ၉၉မိသားစုပဲဖြစ်တယ်။

ဥစ္စာပစ္စည်းရဲ့ တစ်ရာပုံ တစ်ပုံနဲ့ ပျော်ရွှင်ခြင်းကိုဝယ်နိုင်ရင် ဒါဟာ

ထိုက်တန်ပါတယ်။
ဒါပေမယ့် ဥစ္စာပစ္စည်း တစ်ပုံအတွက် ပျော်ရွှင်ခြင်းနဲ့ လဲတာက မထိုက်တန်ပါဘူး။
သင်ဟာ ၉၉ မိသားစုလား?

ကွာရှင်းဟိုတယ်

5:23 PM Posted In Edit This 0 Comments »
သူနဲ့သူမ မင်္ဂလာဆောင်တာ (၁၀)နှစ်တင်းတင်း ပြည့်ခဲ့ပြီ။
လင်မယားနှစ်ယောက်ကြားမှာ ဘာစိတ်လှုပ်ရှားမှုမှ မရှိတော့သလို
စိတ်ဝင်စားမှုလည်း မရှိတော့ဘူး။ အချိန်ကြာလေ သူမကို တာဝန်နဲ့ဝတ္တရားအရ
သူဆက်ဆံနေရတယ်လို့ သူထင်လာလေဖြစ်တယ်။ သူမအပေါ် သူငြီးငွေ့လာခဲ့တယ်။
အထူးသဖြင့် သူ့အလုပ်မှာ အသစ်ဝင်လာတဲ့ သွက်သွက်လက်လက်
ကောင်မလေးတစ်ယောက်ကြောင့် ဖြစ်တယ်။ ကောင်မလေးက သူ့ကို ရှုးသွပ်စေခဲ့တယ်။
ဒါဟာ သူ့ရဲ့ဒုတိယအရွယ် စိတ်လှုပ်ရှားခြင်းလို့ သူထင်ခဲ့တယ်။

အကြိမ်ကြိမ် တွေးတောဆုံးဖြတ်ပြီးနောက် သူမနဲ့ကွာရှင်းဖို့

သူဆုံးဖြတ်လိုက်တယ်။ ဒီလိုခံစားချက်မျိုးက သူမအတွက် ထုံကျင်နေပါပြီ။
တည်တည်ငြိမ်ငြိမ်နဲ့ သူ့ရဲ့တောင်းဆိုချက်ကို သူမခေါင်းညိတ်ခဲ့တယ်။
နှစ်ဦးသား တရားရုံးသွားပြီး ကွာရှင်းခဲ့ကြတယ်။ ကွာရှင်းစာချုပ်ပေါ်မှာ
လက်မှတ်ထိုးပြီး ရုံးကနေ သူတို့ထွက်လာကြတယ်။ နှစ်ယောက်စလုံး သူတစ်လမ်း
ကိုယ်တစ်လမ်း လွတ်လပ်သူတွေဖြစ်သွားကြပြီ။ ဒါပေမယ့် ဘာကြောင့်မှန်းမသိ
သူ့စိတ်ထဲမှာ ဟာတာတာခံစားနေရတယ်။ သူမကို သူတစ်ချက်ကြည့်ပြီး....

"မိုးတောင်ချုပ်နေပြီ။ ငါတို့ညစာအတူသွားစားရအောင်"


"ကောင်းပြီလေ... "ကွာရှင်းဟိုတယ် (Divorce hotel)" ဆိုတဲ့

စားသောက်ဆိုင်အသစ် ဖွင့်ထားတယ်လို့ ကြားတယ်။ အဲဒီ"ကွာရှင်းဟိုတယ်"က
ကွာရှင်းပြတ်စဲပြီးစ ဇနီးမောင်နှံတွေ နောက်ဆုံးတစ်နပ်အတွက်
သီးသန့်ဖွင့်ထားတဲ့ ဟိုတယ်ပါတဲ့။ အဲဒီမှာ သွားစားရအောင်"
သူ့ကိုတစ်ချက်ကြည့်ပြီး သူမပြောတယ်။

သူခေါင်းညိတ်ပြီး နှစ်ဦးသားနှုတ်ဆိတ်လို့ ဟိုတယ်ထဲ ရှေ့ဆင့်နောက်ဆင့် ၀င်သွားကြတယ်။


"ကောင်းသော ညနေခင်းပါ"


အခန်းထဲထိုင်လိုက်တာနဲ့ ဟိုတယ်ဝန်ထမ်းက ရောက်လာတယ်။


"ဘာများ သုံးဆောင်ကြမလဲရှင်?"


"မင်း မှာကွာ" သူမကို ကြည့်ပြီး သူပြောလိုက်တယ်။


"ကျွန်မ အပြင်သိပ်မထွက်တော့ ဒါတွေကို မသိဘူး။ ရှင်ပဲ မှာပါ"

သူမခေါင်းခါပြီး ပြောတယ်။

"ဆောရီး..... ကျွန်မတို့ ကွာရှင်းဟိုတယ်မှာ စည်းကမ်းတစ်ခုရှိတယ်။

ဒီညစာကို မိန်းမဖြစ်သူက ယောက်ျားကြိုက်တတ်တာတွေ မှာပေးရသလို
ယောက်ျားဖြစ်သူကလည်း မိန်းမကြိုက်တတ်တာတွေကို မှာပေးရပါတယ်။ ဒါကို
"နောက်ဆုံးအမှတ်တရ" လို့ ခေါ်ပါတယ်"

"ကောင်းပြီလေ" ဆံပင်ကို သူမသပ်တင်ပြီး ဟင်းတွေမှာလိုက်တယ်။


"ငါးပေါင်းတစ်ပွဲ၊ မှိုကြော်တစ်ပွဲ၊ မှိုနားရွက်သုပ်တစ်ပွဲ..

ဒီဟင်းတွေအားလုံး ဂျင်း၊ ကြက်သွန်နီ၊ ကြက်သွန်ဖြု မထည့်နဲ့နော်။
ကျွန်မအမျိုးသား....အော်.. ဒီအမျိုးသားက အဲတာတွေမစားဘူး"

"လူကြီးမင်းကရော ဘာမှမလဲ?" ၀န်ထမ်းက သူ့ကိုကြည့်ပြီး မေးတယ်။


တခဏလောက် သူငေးကြောင်သွားမိတယ်။ လက်ထပ်ပြီး (၁၀)နှစ်မှာ

ကိုယ့်မိန်းမဘာကြိုက်တတ်မှန်း သူမသိခဲ့ဘူး။ ပါးစပ်ကြီးဟပြီး
သူဘာပြောရမှန်း မသိဖြစ်နေခဲ့တယ်။

"ဒါတွေပဲ လုပ်ပါ။ အဲဒီဟင်းက ကျွန်မတို့နှစ်ယောက်စလုံးကြိုက်တဲ့ ဟင်းပါ"

သူ့အဖြစ်ကို သူမက အလျင်အမြန် ၀င်ကယ်တယ်။

ဝန်ထမ်းကောင်မလေးက ရယ်ပြီး "တကယ်တမ်းပြောရရင် ကျွန်မတို့

ကွာရှင်းဟိုတယ်ကို နောက်ဆုံးအကြိမ် ညစာလာစားကြတဲ့ ဇနီးမောင်နှံတွေက ဘာမှ
စားချင်စိတ်ရှိကြတော့တာ မဟုတ်ဘူး။ ဒါကြောင့် ဒီ"နောက်ဆုံးအမှတ်တရ" ကို
မစားကြတော့ဘဲ ကျွန်မတို့ဟိုတယ်က ကွာရှင်းသူတွေအတွက်
အထူးစီမံထားတဲ့အအေးကိုပဲ သောက်ကြရအောင်၊ ကျွန်မတို့ဟိုတယ်ကို
ရောက်လာသူတိုင်းက ဒါကို မငြင်းဘဲ မှာကြတယ်"

"အင်း.. ဒါဆိုလည်း အအေးပဲ မှာကြတာပေါ့" သူတို့နှစ်ဦးစလုံး ခေါင်းညိတ်ပြီး ပြောတယ်။


သိပ်မကြာဘူး။ ၀န်ထမ်းကောင်မလေးက အအေးနှစ်ခွက်လာပို့တယ်။ တစ်ခွက်က

ရေခဲပါတဲ့ အပြာနုရောင်အရည်ဖြစ်ပြီး တစ်ခွက်က အငွေ့ထောင်းထောင်းထနေတဲ့
အနီရောင်အရည်ဖြစ်တယ်။

"ဒီအအေးတွေကို "မီးတောက်တစ်ဝက်၊ ပင်လယ်ရေတစ်ဝက်" လို့ခေါ်တယ်။ သုံးဆောင်နိုင်ပါပြီ"


ဝန်ထမ်းကောင်မလေးက ပြောပြောဆိုဆို နေရာကခွာတယ်။ အခန်းတစ်ခုလုံး

တိတ်ဆိတ်နေတယ်။ နှစ်ယောက်သား မျက်နှာချင်းဆိုင်ထိုင်ပြီး ဘာပြောရမှန်းမသိ
ဖြစ်နေကြတယ်။

"တောက်... တောက်.. တောက်"


တံခါးခေါက်သံနဲ့အတူ ၀န်ထမ်းကောင်မလေး ၀င်လာပြန်တယ်။


"လူကြီးမင်း... သူ့ကို ပထမဆုံးအကြိမ် ပန်းစည်းလက်ဆောင်ပေးတဲ့အဖြစ်ကို

မှတ်မိသေးလား? အခု အရာအားလုံးက ပြီးဆုံးသွားခဲ့ပြီ။ လင်မယား
မဟုတ်တော့လည်း သူငယ်ချင်းမိတ်ဆွေအဖြစ် အသိအမှတ်ပြုလို့ရတယ်။ သူ့ကို
နှင်းဆီတစ်ပွင့် လက်ဆောင်ပေးလိုက်ပါဦး"

သူမတစ်ကိုယ်လုံး တုန်လှုပ်သွားမိတယ်။ လွန်ခဲ့တဲ့(၁၀)နှစ်က

သူပန်းစည်းပေးတဲ့ ပုံရိပ်တွေကို သူမမြင်ယောင်လာမိတယ်။ အဲဒီတုန်းက
ဆွေမရှိ၊ မျိုးမရှိတဲ့ သူစိမ်းမြို့မှာ သူတို့ဘာမှမရှိခဲ့ဘူး။ အရာအားလုံး
သုညကစခဲ့ကြတယ်။ နေ့လယ်နေ့ခင်းမှာ နေရာအနှံ့ သူတို့အလုပ်လိုက်ရှာကြတယ်။
ရုန်းကန်ကြတယ်။ ညအခါ ညဈေးမှာ သူမဈေးရောင်းထွက်သလို သူက
စားသောက်ဆိုင်မှာ ပန်းကန်ဆေးတယ်။ ညနက်သန်းခေါင်ရောက်မှ ငှားနေတဲ့
၁၀ပေပတ်လည် အခန်းကျဉ်းထဲ သူတို့ပြန်ခဲ့ကြတယ်။ နေ့ရက်တွေကို ခက်ခက်ခဲခဲ
ပင်ပင်ပန်းပန်း ဖြတ်ကျော်ခဲ့ရလည်း သူတို့ပျော်ရွှင်ခဲ့ကြတယ်။

အဲဒီမြို့ကိုရောက်တဲ့ ပထမဆုံးအကြိမ် ချစ်သူများနေ့မှာ သူမအတွက် သူ

ပထမဆုံးအကြိမ် နှင်းဆီအနီရဲရဲတစ်ပွင့် လက်ဆောင်ပေးတယ်။ သူမ
မျက်ရည်ကျအောင် ပျော်ရွှင်ခဲ့မိတယ်။

(၁၀)နှစ်တိုင်ခဲ့ပါပြီ။ သူတို့ဘ၀ အရာအားလုံး ပြည့်စုံလာချိန်

လမ်းခွတစ်နေရာမှာ သူတို့ရောက်နေခဲ့တယ်။ အတိတ်ကအကြောင်းတွေ တွေးရင်း သူမ
မျက်ရည်ကျမိတယ်။

"မလိုတော့ပါဘူး..." လက်ကာပြပြီး သူမပြောတယ်။


လွန်ခဲ့တဲ့(၁၀)နှစ်အဖြစ်ကို သူလည်း မြင်ယောင်နေမိတယ်။ သူမအတွက်

နှင်းဆီပန်းမပေးမိတာ ၅နှစ်၊ ၆နှစ်ရှိခဲ့မှန်း အခုမှ သူသတိရတယ်။

"လိုတယ်.. ပန်းယူမယ်" လက်ပြပြီး သူပြောတယ်။


ဝန်ထမ်းကောင်မလေးက နှင်းဆီတစ်ပွင့်ကိုယူပြီး နှစ်ပိုင်းခွဲလိုက်တယ်။

ပြီးနောက် ပွင့်ဖပ်တွေကို သူတို့ရဲ့အအေးခွက်ထဲ ပစ်ထည့်လိုက်တယ်။
ပွင့်ဖပ်တွေက အအေးထဲပျော်ဝင်ကုန်တယ်။

"ဒီနှင်းဆီပွင့်က ကျွန်မတို့ ဟိုတယ်က ကောက်ညှင်းနဲ့ အထူးပြုလုပ်ထားတဲ့

နှင်းဆီတွေပါ။ ဒါဟာလည်း လူကြီးမင်းတို့အတွက် တတိယမြောက် စားစရာတစ်ခုပါပဲ။
ဒါကို "ရောင်ပြန်အလှ" လို့ခေါ်တယ်။ လူကြီးမင်းတို့ ဖြေးဖြေးသုံးဆောင်ကြပါ။
လိုအပ်ရင် ကျွန်မကိုခေါ်လိုက်ပါ"

ဝန်ထမ်းကောင်မလေးက ပြောပြောဆိုဆို လှည့်ထွက်သွားတယ်။


"xx...ဟို.... မောင် ......"


သူ့အသံတွေ လည်ချောင်းဝမှာ ပျောက်နေတယ်။ သူမလက်ကို သူဖမ်းဆုပ်လိုက်တယ်။

သူမလက် လှုပ်သွားတယ်။ ဒါပေမယ့် မရုန်းမိဘူး။ နှစ်ဦးသား
တစ်ယောက်ကိုတစ်ယောက် မျက်နှာချင်းဆိုင်ကြည့်နေကြတယ်။ ဘာမှ
မပြောဖြစ်ကြဘူး။

"ဖပ်"


ရုတ်တရက် မီးမှိတ်သွားတယ်။ အခန်းတစ်ခုလုံး မှောင်အတိကျသွားတယ်။ အပြင်က

အရေးပေါ်ခေါင်းလောင်းသံ မြည်လာပြီး အခန်းထဲ မီးခိုတွေ လှိမ့်ဝင်လာတယ်။

"ဘာဖြစ်တာလဲ?"


နှစ်ယောက်လုံး အမြန်ထရပ်လိုက်ကြတယ်။


"ဟိုတယ် မီးလောင်နေတယ်ဗျို့။ အားလုံး လုံခြုံရေးလမ်းညွှန်ဘက် အမြန်သွားကြပါ"


အပြင်က အသံကုန်အော်ဟစ်သံကို ကြားလိုက်တယ်။


"မောင်.... ကျွန်မကြောက်တယ်!" သူ့ရင်ခွင်ထဲ သူမတိုးဝင်လိုက်တယ်။


"မကြောက်နဲ့... မောင်ရှိတယ်။ လာ... အပြင်ကို ထိုးထွက်ရအောင်" သူမကို

တင်းတင်းပွေ့ပြီး သူပြောတယ်။

အပြင်ကိုရောက်တော့ အပြင်ကမီးရောင်နဲ့လင်းနေတာကို တွေ့လိုက်တယ်။

ဘာမှမဖြစ်ပျက်ခဲ့သလို အရာတိုင်းက သူ့နေရာနဲ့သူရှိနေတယ်။ အဲဒီအချိန်မှာ
ဝန်ထမ်းကောင်မလေးရောက်လာပြီး...

"ဆောရီး... လူကြီးမင်းတို့ကို ထိတ်လန့်စေခဲ့ပြီ။ ဟိုတယ်ကြီး

မီးမလောင်ပါဘူး။ အခန်းထဲ မီးခိုးတွေကို တမင်လွတ်ခဲ့တာပါ။ ဒါဟာ
ကျွန်မတို့ရဲ့ စတုတ္ထမြောက်ဟင်းပါပဲ။ ဒါကို "ရင်ထဲက ရွေးချယ်ခြင်း" လို့
ခေါ်တယ်။ အခန်းထဲ ပြန်ဝင်နိုင်ပါပြီ"

အခန်းထဲ သူတို့ပြန်ဝင်လာခဲ့ကြတယ်။ အခန်းထဲမှာ ပကတိအတိုင်း

မီးရောင်နဲ့လင်းနေတယ်။ သူမကို သူဆွဲပွေ့ပြီး...

"ဟန်နီ... ၀န်ထမ်းကောင်မလေး ပြောတာမှန်တယ်။ အခုနားက ဟန်နီနဲ့မောင်ရဲ့

တကယ့်ရင်ထဲက ရွေးချယ်တာတွေဖြစ်တယ်။ တကယ်တော့ မောင်တို့နှစ်ယောက်
တစ်ယောက်ကိုတစ်ယောက် မခွဲနိုင်ကြဘူး။ မနက်ဖြန်
မောင်တို့မင်္ဂလာပြန်ဆောင်ကြရအောင်ကွာ"

"မောင် ဆန္ဒရှိလို့လား?" နုတ်ခမ်းကိုက်ပြီး သူမမေးတယ်။


"ဆန္ဒရှိတာပေါ့။ အခု ဘာမဆို မောင်နားလည်သဘောပေါက်လာပြီ ဟန်နီ။ မောင်တို့

မနက်ဖြန် အစောကြီး မင်္ဂလာဆောင်ရအောင်ကွာ။ ရှင်းမယ်ဟေ့...." ပြောပြောဆိုဆို
ဝန်ထမ်းကောင်မလေးကို သူလှမ်းအော်လိုက်တယ်။

ဝန်ထမ်းကောင်မလေးဝင်လာပြီး အနီရောင်ငွေတောင်းခံလွှာကို ကမ်းပေးတယ်။


"လူကြီးမင်းတို့နှစ်ယောက်အတွက် ဒါဟာ ဒီဟိုတယ်ရဲ့နောက်ဆုံးလက်ဆောင်ပါ။

ဒါကို "ထာဝရတောင်းခံလွှာ" လို့ခေါ်တယ်။ နှစ်ယောက်လုံး ထာဝရသိမ်းထားပေးပါ"

စာရွက်ကို သူကြည့်လိုက်တယ်။ သူ့မျက်လုံးအိမ်မှာ မျက်ရည်တွေ ပြည့်လျံလာတယ်။


"ဘာဖြစ်တာလဲ?" သူမ စိုးရိမ်တကြီးမေးတယ်။


"ဟန်နီ... မောင်မှားပါတယ်။ မောင်တောင်းပန်ပါတယ် ဟန်နီ" စာရွက်ကို

ကမ်းပေးရင်း သူပြောတယ်။

စာရွက်ကို သူမကြည့်လိုက်တယ်။ စာရွက်ပေါ်မှာ ရေးထားတာက.......


နွေးထွေးတဲ့ မိသားစုတစ်စု

ကြိုးစားရုန်းကန်ခဲ့တဲ့ လက်တစ်စုံ
သင့်ပြန်အလာကို ညနက်သန်းခေါင်အထိစောင့်နေတဲ့ မငြိမ်းတဲ့မီးတစ်ပွင့်
ကျန်းမာရေးဂရုစိုက်ပါလို့ ၁၂ ရာသီလုံးမှာတဲ့စကား
အနှိုင်းမဲ့တဲ့ ဂရုစိုက်မှု
ယောက္ခမအတွက် အပြုအစု
ကလေးအတွက် မနက်မိုးချုပ်စောင့်ရှောက်မှု
သင်ကြိုက်တဲ့အစားအစာအတွက် အချက်အပြုတ်
သင့်အတွက် ဆုံးရှုံးလိုက်ရတဲ့ နုပျိုခြင်းတွေ....
ဒါဟာ သင့်ဇနီးမယားပဲဖြစ်တယ်။

"မောင်.... မောင်လည်း ပင်ပန်းပါတယ်။ ဒီနှစ်တွေမှာ မောင်ကို ကျွန်မ

လျစ်လျူရှူမိခဲ့တယ်"

လက်ထဲကစာရွက်ကို သူမကမ်းပေးပြီး ပြောတယ်။ စာရွက်ကို သူကြည့်လိုက်တယ်။

စာရွက်ပေါ်မှာ ရေးထားတာက....

ယောက်ျားတစ်ယောက်ရဲ့တာဝန်

ကြီးလေးတဲ့တာဝန်ကို ပုခုံးနှစ်ဘက်နဲ့ ထမ်းထားတယ်
ညနက်သန်းခေါင်မှ ပင်ပင်ပန်းပန်းပြန်လာတယ်
စားဝတ်နေရေးအတွက် နေရာအနှံ့ပြေးလွှားရတယ်
ပြောမထွက်ခဲ့တဲ့ စိတ်ဆင်းရဲခြင်းတွေ
မျက်နှာပေါ်က ရင့်ရော်ခြင်းတွေ
ခယ်မ၊ ယောက္ခမတွေအတွက် တာဝန်တွေ
ကျရှုံးခြင်း၊ ဆုံးရှုံးခြင်းနဲ့ ရုန်းကန်မှုတွေ
မိသားစုအတွက်၊ သားသမီးအတွက် မေတ္တာတွေ....
ဒါဟာ သင့်ခင်ပွန်းပဲဖြစ်တယ်။

နှစ်ယောက်သား တစ်ယောက်ကိုတစ်ယောက် ပွေ့ဖက်ပြီး သူတို့ငိုမိကြတယ်။

ငွေရှင်းပြီး ဟိုတယ်မန်နေဂျာကို သူတို့ကျေးဇူးတင် စကားပြောကြတယ်။
အဲဒီနောက် တစ်ယောက်လက်ကိုတစ်ယောက်တွဲပြီး ဟိုတယ်က သူတို့ထွက်ခဲ့ကြတယ်။
ပျော်ရွှင်သွားကြတဲ့ သူတို့နောက်ကျောပုံရိပ်ကိုကြည့်ပြီး ဟိုတယ်မန်နေဂျာ
ခေါင်းတဆတ်ဆတ်ညိတ်နေတယ်။

"သိပ်ပျော်စရာကောင်းတာပဲ။ ကျွန်တော်တို့ ကွာရှင်းဟိုတယ်က မိသားစုတစ်စုကို

ကယ်တင်လိုက်ပြန်ပြီ"

အမေရိကန်က Stellaဆု

5:58 PM Posted In Edit This 0 Comments »
အမေရိကန်မှာ နှစ်စဉ်နှစ်တိုင်း Stellaဆုကို ချီးမြှင့်တယ်။
အချီးမြှင့်ခံရသူတွေက အဲဒီနှစ်ရဲ့အအောင်မြင်ဆုံးနဲ့
ကိုးရိုးကားယားအနိုင်ဆုံး အကျိုးဆောင်ကိုယ်စားလှယ်ရှေ့နေ၊
ဂျုရီလူကြီးအဖွဲ့တွေဖြစ်တယ်။

Stella Liebeck ကြောင့် Stellaဆုလို့ အမည်တွင်ခဲ့တာဖြစ်တယ်။

အသက်(၈၁)နှစ်ရှိတဲ့ Stella Liebeck ဟာ တစ်ခါက ကားမောင်းရင်း
ကော်ဖီသောက်ခဲ့တယ်။ ကော်ဖီမတော်တဆဖိတ်ပြီး သူ့ပေါင်ကို
အပူလောင်သွားခဲ့လို့ McDonalds' ကုမ္ပဏီကိုတိုင်ခဲ့တာ လျော်ကြေးငွေ
မီလီယံများစွာရခဲ့တယ်။

၂၀၀၂ခုနှစ်မှာ ရွေးခဲ့တဲ့အမူတွေကး


(၁) Austin, Texas


Catherine Robertsonလို့ခေါ်တဲ့ အမျိုးသမီးတစ်ဦးဟာ

ပရိဘောကအရောင်းဆိုင်ကို တိုင်ခဲ့လို့ လျော်ကြေးငွေ ၇သိန်း၈သောင်းရခဲ့တယ်။
အခင်းဖြစ်ပွားခဲ့ပုံက ပရိဘောကဆိုင်အတွင်း သူလှည့်လည်ကြည့်ရှုနေတုန်း
ဆော့ကစားနေတဲ့ ကလေးတစ်ယောက်ရဲ့ခြေထောက်နဲ့တို
က်မိပြီး သူလဲကျသွားခဲ့တယ်။
ဆိုင်ဝန်ထမ်းတွေက ဆိုင်ထဲမှာ ကလေးတွေဆော့ကစားတာကို
မတားမြစ်ခဲ့လို့ဆိုတယ်။ အဲဒီကလေးက တခြားကလေးမဟုတ်ဘဲ သူ့ကလေးပဲဖြစ်တယ်။

(၂) Los Angeles


အသက်(၁၉)နှစ်ရှိတဲ့ Carl Trumanဟာ ဆေးဖိုးလျော်ကြေးငွေ ၇သောင်း

၈ထောင်ရခဲ့တယ်။ အခင်းဖြစ်ပွားခဲ့ပုံက သူ့အိမ်နီးချင်းတစ်ယောက် သူ့လက်ကို
ကားနဲ့ကြိတ်လိုက်မိလို့ဆိုတယ်။ အကြောင်းက အိမ်နီးချင်းရဲ့ကားဘီးဖုံးကို
သူခိုးယူဖြုတ်နေတုန်း သတိမထားမိဘဲ ကြိတ်မိလို့ဖြစ်တယ်။

(၃) Pennsylvania


ဒီတုံးတုံးအအ သူခိုးရဲ့နာမည်က Terence Dicksonဖြစ်တယ်။ သူဟာ

အိမ်တစ်အိမ်ကိုခိုးအပြီး ကားဂိုဒေါင်ကနေ ထွက်ဖို့ပြင်တယ်။ အဲဒီမှာ
ကားဂိုဒေါင်က အလိုအလျှောက်ဖွင့်ပိတ်တဲ့ တံခါးပျက်နေခဲ့လို့
သူဖွင့်မရခဲ့ဘူး။ အိမ်ကြီးရဲ့တံခါးကိုလည်း သူသော့ခတ်ခဲ့လို့
ကားဂိုဒေါင်ထဲ ပိတ်မိနေခဲ့တယ်။ အိမ်ပိုင်ရှင်တွေက
အပန်းဖြေခရီးထွက်နေတာကြောင့် ဂိုဒေါင်ထဲမှာ ၈ရက်ကြာ သူပိတ်မိနေခဲ့တယ်။
ကိုလာတစ်ဗူး၊ ခွေးစာတစ်အိတ်နဲ့ သူအသက်ဆက်ခဲ့ရတယ်။ အဲဒီကလွတ်မြောက်ပြီး
အိမ်ရှင်ရဲ့ အာမခံကုမ္ပဏီကို သူတိုင်တန်းခဲ့တာ လျော်ကြေးငွေ
၅သိန်းရခဲ့တယ်။

(၄) Arkansas Little Rock


Jerry William ခေါ်သူရဲ့တင်ပါးကို ဘေးအိမ်က ခွေးကိုက်လိုက်တယ်။ အကြောင်းက

Jerry William ဟာ BBသေနတ်နဲ့ ခွေးကိုပစ်ခဲ့လို့ ခွေးကစိတ်တိုပြီး
ကိုက်လိုက်တာဖြစ်တယ်။

တရားရုံးက ခွေးပိုင်ရှင်ကို ဆေးဖိုးဝါးခ ၁သောင်း၎ထောင်၅ရာ လျော်စေခဲ့တယ်။


(၅) Philadelphia


စားသောက်ဆိုင်တစ်ဆိုင်က Lancaster, Pennsylvania ကလာတဲ့ Amber Carson

ဆိုသူကို ၁သိန်း၁သောင်း၃ထောင်ငါးရာ အလျော်ပေးလိုက်ရတယ်။ အကြောင်းက
စိုနေတဲ့ကြမ်းပြင်ကြောင့် ချော်လဲသွားလို့ဖြစ်တယ်။

ကြမ်းပြင်ဘာကြောင့် စိုရသလဲ?


စက္ကန့်(၃၀)မတိုင်မီက Amber Carsonဟာ သူ့ချစ်သူနဲ့ ငြင်းခုံပြီး

ချစ်သူကိုသူက အအေးနဲ့ပက်လိုက်လို့ဖြစ်တယ်။

(၆) Delaware, Clement


Cara Walton က ၃ကျပ်ခွဲတန် ၀င်ပေါက်လက်မှတ်မပြနိုင်လို့

အိမ်သာပြတင်းပေါက်ကနေ နိုပ်ကလပ်ထဲဝင်ဖို့ ကြိုးစားခဲ့တယ်။
ကံမကောင်းစွာနဲ့ လဲကျပြီး ရှေ့သွားနှစ်ချောင်းကျိုးသွားခဲ
့တယ်။ အဲဒီမှာ
သွားစိုက်ခလျော်ကြေးငွေ ၁သောင်းနှစ်ထောင်ကို သူရလိုက်တယ်။

(၇) Oklahoma


Oklahomaမှာနေတဲ့ Marv Gresinski ဟာ အဲဒီနှစ်ရဲ့အကောင်းဆုံးဆုကို ရသွားခဲ့ပါတယ်။


Marv Gresinski ဟာ တစ်နေ့မှာ ၃၂ပေရှည်တဲ့ ခရီးသွားကား(Motor home)ကို

ဝယ်ခဲ့တယ်။ (ကားထဲမှာ ကုတင်၊ အိမ်သာ၊ မီးဖိုချောင်ပါတယ်)အိမ်အပြင်
ဟိုင်းဝေးလမ်းတစ်နေရာမှာ Marv Gresinski ဟာ ကားကို တစ်နာရီ
၇၀မိုင်နှုန်းမောင်းပြီး ကားမောင်းနေရာက မီးဖိုခန်းမှာ
ကော်ဖီသွားကျိုနေခဲ့တယ်။ နောက်တော့ ကား မှောက်ပါလေရော...

ကံကောင်းစွာနဲ့ သူမသေခဲ့ပေမယ့် ကားကုမ္ပဏီကို သူတိုင်းကြားခဲ့တယ်။

တိုင်းကြားရခြင်းက ရှင်းလင်းချက်စာအုပ်မှာ ကားမောင်းနေရာကထပြီး
ကော်ဖီမကျိုရလို့ မရေးထားလို့ဆိုတယ်။ လျော်ကြေးငွေ
၁၇သိန်း၅သောင်းရလိုက်တယ်။

အမူဖြစ်ပြီးနောက် ကားကုမ္ပဏီက အဲဒီအချက်ကို စာအုပ်ထဲထည့်လိုက်ရတယ်။


ကိုးရိုးကားယားနိုင်တဲ့ အမူခင်းတွေပါ။ ဖတ်ပြီး လျော်ကြေးရဖို့

လိုက်မလုပ်ပါနဲ့။ နိုင်ငံတိုင်းမှာ ဒီဆုမျိုး ရှိနိုင်မှာမဟုတ်ပါဘူး။

မတူတဲ့လူနဲ့ အတူနေရင် မတူတဲ့ဘ၀ကိုရမယ

5:57 PM Posted In Edit This 0 Comments »
မတူတဲ့လူနဲ့ အတူနေရင် မတူတဲ့ဘ၀ကို ရမှာပဲ

တကယ်လက်တွေ့ဘ၀မှာ ဘယ်သူနဲ့ သင်ပေါင်းသင်းနေတယ်ဆိုတာက အရမ်းကို

အရေးပါပါတယ်။ အဲဒီဘယ်သူက သင်ကြီးပြင်းရာ လမ်းတစ်လျှောက်က
သင့်အောင်မြင်မှု၊ ကျရှုံးမှုတွေကို ဆုံးဖြတ်ပေးပါလိမ့်မယ်။

အလုပ်ကြိုးစားသူနဲ့နေရင် သင်မပျင်းတတ်တော့ဘူး။

အကောင်းမြင်တတ်သူ၊ အပြုသဘောဆောင်သူနဲ့နေရင် သင်မထိုင်းမှိုင်း၊ အားမငယ်တတ်တော့ဘူး။
အသိပညာရှိသူနဲ့နေရင် သင်အသိပညာတိုးမယ်။
မြင့်မြတ်သူနဲ့နေရင် အထွတ်အထိပ်ကို သင်ရောက်မယ်။

သိပ္ပံပညာရှင်တွေရဲ့ ဆန်းစစ်ချက်မှာ "လူဆိုတာ

သွယ်ဝိုက်ပြီးပြောတဲ့စကားတွေကို နားလည်တဲ့ တစ်မျိုးတည်းသော သတ္တ၀ါဖြစ်တယ်။
အကောင်းဘက် သွယ်ဝိုက်တဲ့စကားတွေက လူတွေရဲ့ ခံစားချက်နဲ့ စိတ်အခြေအနေကို
အကောင်းဘက် သက်ရောက်စေတယ်။ ကိုယ်ရေကိုယ်သွေးတွေကို လှုံဆော်ပေးတယ်။
လုပ်နိုင်စွမ်းကို မြှင့်တင်ပေးတယ်။ ရှေ့သို့တက်လှမ်းစေတယ်၊
ကြိုးပမ်းအားထုတ်စေတယ်"

အပျက်သဘောဆောင်သူတွေနဲ့ ဝေးနိုင်သမျှ ဝေးဝေးနေပါ။ နို့မဟုတ်ရင်

သင့်စိတ်ကူးအိပ်မက်တွေ အခိုးခံလိမ့်ရမယ်။ သင့်စိတ်ဓာတ်တွေ
ယိုယွင်းကုန်လိမ့်မယ်၊ တိုးတက်ချင်စိတ်တွေ ကုန်ခမ်းလိမ့်မယ်။

အပြုသဘောဆောင်သူတွေက နေမင်းကြီးနဲ့တူတယ်။ ဘယ်နေရာရောက်ရောက်

အလင်းရောင်ကို ဆောင်ပေးတယ်။ အပျက်သဘောဆောင်သူတွေက လမင်းနဲ့တူတယ်။ လပြည့်၊
လကွယ် အလင်းပေးတာတောင် မတူဘူး။

စိတ်သဘောထားက အရာရာကို ဆုံးဖြတ်ပေးတယ်။ ဘယ်လိုစိတ်သဘောထားရှိရင် ဘယ်လို

အနာဂတ်ကို ရစေပါတယ်။ အကျင့်စရိုက်က ကံကြမ္မာကို ဆုံးဖြတ်ပေးတယ်။ ဘယ်လို
အကျင့်စရိုက်က ဘယ်လိုဘ၀ကို ရစေပါတယ်။

တချို့ကပြောတယ်။ လူ့ဘ၀မှာ ကံကောင်းခြင်း သုံးကြိမ်ရှိသတဲ့။

ကျောင်းနေချိန်မှာ ဆရာကောင်းနဲ့တွေ့တာ ကံကောင်းခြင်းပဲ
အလုပ်လုပ်ချိန် ဆရာသမားကောင်းနဲ့တွေ့တာ ကံကောင်းခြင်းပဲ
အိမ်ထောင်ပြုချိန် အိမ်ထောင်ဖက်ကောင်းနဲ့တွေ့တာလည်
း ကံကောင်းခြင်းပဲ။
တစ်ခါတလေ သူတို့ရဲ့ အပြုံးတစ်ပွင့်၊ နွေးထွေးတဲ့စကားတစ်ခွန်းက သင့်ဘ၀ကို
နေရောင်ခြည်နဲ့ လင်းလက်စေနိုင်တယ်။

ဘ၀မှာ ကံမကောင်းခြင်းဆိုတာက သင့်ဘေးမှာ အပြုသဘောဆောင်သူ၊ အကောင်းမြင်သူ

ကင်းမဲ့လို့ဖြစ်တယ်။ ဝေးဝေးလှမ်းမြင်နိုင်သူ မရှိလို့ဖြစ်တယ်။ ဒါကြောင့်
သင့်ဘ၀က အမှောင်ထဲမှာ အရောင်ပျောက်နေတာဖြစ်တယ်။

စကားတစ်ခွန်းက ဒီလိုဆိုပါတယ်။

"သင်ဘယ်သူလဲ အရေးမကြီးဘူး။ အရေးကြီးတာက သင်ဘယ်သူနဲ့ အတူနေနေသလဲ" ဆိုတာဖြစ်တယ်။

ကြက်မ,၀ပ်လို့ ကြီးပြင်းခဲ့ရတဲ့ လင်းယုန်ဟာ သူ့ကိုယ်သူကြက်ပါဆိုပြီး

ပျံသန်းခြင်းအတတ်ကို လက်လွတ်ခဲ့တယ်။ အတောင်ဖြန့်ပြီး ကောင်းကင်ပြာပေါ်
သူဘယ်လို ပျံသန်းဦးမလဲ?

သိုးကြားမှာ ကြီးပြင်းခဲ့တဲ့ မြေခွေးဟာ ကြမ်းကျုတ်တဲ့စိတ်ပျောက်ပြီး

သိုးကိုချစ်မိသွားခဲ့တယ်။
မြက်ခင်းပြင်မှာ သူဘယ်လို့ ဒုန်းစိုင်းပြီး သားကောင်ရှာတော့မလဲ?

အမှန်တော့ သင်ဟာထူးကဲသူပါ။ ဒါပေမယ့် သင့်ဘေးက အဆိုးမြင်သူကြောင့်

ရှေ့သို့တက်လှမ်းချင်တဲ့ သင့်ခွန်အားတွေ ဆုတ်ယုတ်ကုန်တယ်။ စိတ်ဓာတ်တွေ
ညံ့ဖျင်းကုန်တယ်။

စာကောင်းတွေဖတ်တယ်၊ အသိပညာရှိသူဆီ ချည်းကပ်တယ်ဆိုတာ လူ့ဘ၀ရဲ့

အကောင်းဆုံးကံနှစ်ခုဖြစ်တယ်။ လူ့ဘ၀ဆန်းကြယ်ပုံကို ဒီအရာနှစ်ခုနဲ့
သင်ယူနိုင်တယ်။ လက်ထဲ ဆောင်ထားနိုင်တယ်။

ဘ၀ရဲ့လှပခြင်းဆိုတာ တစ်ပါးသူကို နှင်းဆီလက်ဆောင်ပေးတယ်။

ကိုယ့်လက်ထဲမှာလည်း နှင်းဆီရနံ့တွေ ကျန်ခဲ့တယ်။ ဒါဟာ လူ့ဘ၀ဖြစ်တယ်။

ထက်မြက်သူနဲ့နေချင်ရင် သင်ထက်မြက်ရလိမ့်မယ်။

ထူးကဲသူနဲ့နေချင်ရင် သင်ထူးကဲရလိမ့်မယ်။

သူတစ်ပါးရဲ့ကောင်းကွက်ကို အလွယ်တကူမြင်ပြီး ကိုယ့်အတွက်ခွန်အားအဖြင့်၊

သင်ယူစရာအဖြင့် ပြောင်းလဲမယ်။ ဒီလိုဆိုရင် သင်ဟာ ထက်မြက်သူဖြစ်ပါတယ်။
လူ့ဘ၀ရဲ့ အခွင့်အရေးကို လက်ဆုပ်လက်ကိုင်ပြုပြီး ကိုယ့်အခွင့်အရေးအဖြင့်
ပြောင်းလဲမယ်။ ဒီလိုဆိုရင် သင်ဟာ ထူးကဲသူဖြစ်ပါတယ်။

သူတစ်ပါးရဲ့ အောင်မြင်မှုကို ကိုယ့်အောင်မြင်မှုအတိုင်း ပြင်းပြမယ်။

သူတစ်ပါးရဲ့ အကောင်းဆုံးကို သင်ယူပြီး အကောင်းဆုံးကိုယ် လုပ်မယ်။
သူတစ်ပါးရဲ့ အသိပညာကို ဆည်းပူးပြီး အောင်မြင်တဲ့ကိုယ် လုပ်မယ်။

မတူတဲ့လူနဲ့ အတူနေရင် မတူတဲ့ဘ၀ကို ရပါတယ်။

ကိန်းဂဏန်း 142857

5:55 PM Posted In Edit This 0 Comments »
142857 မှာ ထူးဆန်းတဲ့ လျို့ဝှက်ချက်တွေရှိတယ်။

ဒီအတိုင်းကြည့်ရင် ဘာမှမထူးဆန်းတဲ့ ဒီဂဏန်း(၆)လုံးကို ကစားနည်းတွေနဲ့

ကစားကြည့်ရအောင်!

ပထမဆုံး 142857 ကို ၁ကနေ ၆ အထိမြှောက်ကြည့်ပါမယ်။


142857x1=142857

142857x2=258714
142857x3=428571
142857x4=571428
142857x5=714825
148257x6=857142

ရလဒ်တွေက ဒီဂဏန်း(၆)လုံးထဲက ဂဏန်းတွေပဲဖြစ်နေတာကို တွေ့ရပါလိမ့်မယ်။


ဆက်ပြီး 142857 ကို ၇ နဲ့မြှောက်ပါမယ်။


142857x7=999999


နောက်ပြီး 142857 ကို ရှေ့နောက် ၃လုံးစီ၊ ၂ လုံးစီခွဲပြီး ပေါင်းပါမယ်။


142+857=999

14+28+57=99
အဖြေက ၉ဂဏန်းတွေပဲဖြစ်နေတာကို တွေ့ရပါတယ်။

ဆက်ပြီး 142857 ကို နှစ်ဆတိုး မြှောက်ပါမယ်။


142857x142857=20408122449


ရလာတဲ့အဖြေကို 20408 နဲ့ 122449 ဆိုပြီး နှစ်ပိုင်းခွဲ ပေါင်းပါမယ်။


20408+122449=142857 နဂိုဂဏန်းကိုပဲ ပြန်ရတာတွေ့ရပါတယ်။


142857 ကိန်းဂဏန်း ထူးဆန်းရတဲ့အကြောင်းရင်းက....

သူ့ကို အီဂျစ်က ပီရမစ်ထဲမှာ တွေ့ခဲ့တယ်။
သူဟာ ထူးဆန်းတဲ့ ကိန်းတစ်ခုဖြစ်တယ်။
သူဟာ တစ်ပတ်မှာ ၇ ရက်ရှိကြောင်း သက်သေပြတယ်။
သူ့ကို ၆ ကြိမ်ပေါင်းရင် သူ့နဂိုဂဏန်းချည်းပဲ လှည့်ပတ်ပြီးရတယ်။
၇ ကြိမ်မြှောက် တစ်ပတ်ပြည့်ချိန်မှာ သူတစ်ခါနားပြီး ၉၉၉၉၉၉နဲ့ အစားထိုးတယ်။
ကိန်းဂဏန်းက ဆက်ပေါင်းလေ ကြီးလေနဲ့ တစ်ပတ်(၇ ရက်)ပြည့်တာနဲ့ ဂဏန်းတစ်ခုက
ကိုယ်တစ်ခါခွဲရတယ်။ ဂဏန်းရဲ့ ကိုယ်ခွဲနည်းကိုသိရင် တွက်တဲ့အချိန်
ဂဏန်းတွက်စက်တောင် မလိုပါဘူးတဲ့။

142857×1=142857(နဂိုကိန်း)

142857×2=285714(ဒီဂဏန်းတွေပဲ လှည့်ပတ်ရတယ်)
142857×3=428571
142857×4=571428
142857×5=714285
142857×6=857142
142857×7=999999(တစ်ပတ်ပြည့်ချိ
န် 9နဲ့အစားထိုးတယ်)

142857×8=1142856(၇ ဂဏန်းက ရှေ့ဂဏန်း ၁ နဲ့ နောက်ဆုံးဂဏန်း ၆အဖြစ်

ကိုယ်ခွဲသွားတယ်။ အဖြေမှာ ၇ ဂဏန်းလျော့နေတာကို တွေ့ရပါတယ်)

142857×9=1285713(၄ ဂဏန်းက ရှေ့ဂဏန်း၁နဲ့ နောက်ဆုံးဂဏန်း ၃အဖြစ် ကိုယ်ခွဲသွားတယ်။)


142857×10=1428570(၁ ဂဏန်းကိုယ်ခွဲ)

142857×11=1571427(၈ ကိုယ်ခွဲ)
142857×12=1714284(၅ ကိုယ်ခွဲ)
142857×13=1857141(၂ ကိုယ်ခွဲ)
142857×14=1999998(၉ ကိုယ်ခွဲ)

အပေါ်က ရလဒ်တွေအားလုံး ကိန်းတစ်ခုဖြစ်အောင်ပေါင်းကြည့်
ရင် ပေါင်းလဒ်က ၉
ဂဏန်းဖြစ်နေတာကိုတွေ့တယ်။ နဂိုဂဏန်းပေါင်းလဒ်ရဲ့ ရလဒ်ကလည်း ၉ပဲဖြစ်တယ်။

1+4+2+8+5+7=27=2+7=9

Warren Buffet

5:52 PM Posted In Edit This 0 Comments »
ရုပ်မြင်သံကြားလှိုင်း CNBC က ကမ္ဘာ့ဒုတိယအချမ်းသာဆုံးဖြစ်တဲ့၊
ထောက်ပံ့ကြေးငွေပေါင်း သန်း(၃၁ဝ,၀၀၀) လှူဒါန်းခဲ့တဲ့ Warren Buffet ကို
တွေ့ဆုံမေးမြန်းခဲ့တယ်။ စိတ်ဝင်စားစရာ သူ့ဘဝအကြောင်းတချို့ကို
အောက်မှာဖော်ပြထားပါတယ်။

Warren Buffet ဟာ (၁၁)နှစ်အရွယ်မှာ ပထမဦးဆုံးသော stockကို ဝယ်ခဲ့တယ်။
ဒါကို စတင်တာနောက်ကျတယ်လို့ အခုချိန်မှာ သူနောင်တရနေခဲ့တယ်။ အဲဒီတုန်းက
stock ဈေးတွေဟာ အရမ်းဈေးပေါလို့ဖြစ်တယ်။ ရင်းနှီးမြှုပ်နှံတတ်ဖို့
သင့်ကလေးတွေကို အားပေးပါ။

(၁၄)နှစ်အရွယ်မှာ Warren Buffet ဟာ သတင်းစာပို့လို့ စုဆောင်းရရှိတဲ့
ဝင်ငွေနဲ့ ခြံတစ်ခြံဝယ်ခဲ့တယ်။ လူတစ်ယောက်ဟာ ကိုယ်စုဆောင်းထားတာနဲ့
ပစ္စည်းအများအပြား ဝယ်ယူနိုင်ပါတယ်။ သင့်ကလေးတွေကို စုဆောင်း၊
ဝယ်ယူတတ်ဖို့ အားပေးပါ။

Warren Buffet ဟာ လွန်ခဲ့တဲ့နှစ်ပေါင်း (၅ဝ)ကျော် မင်္ဂလာဆောင်ပြီးက
ဝယ်ထားတဲ့ အိမ်ခန်း၃ခန်းသာပါတဲ့ နေအိမ်မှာပဲ နေနေဆဲဖြစ်တယ်။
ခြံဝင်းစည်းရိုးခတ်မထားတဲ့ ဒီအိမ်လေးဟာ သူ့လိုအင်တွေကို
ပြီးပြည့်စုံစေခဲ့ပြီလို့ ဆိုပါတယ်။ "ကိုယ်တကယ်လိုအပ်"တဲ့ အတိုင်းအတာထက်
ကျော်လွန်တဲ့ပစ္စည်းကို မဝယ်ပါနဲ့။ သင့်ကလေးတွေကို ဒီလိုတွေးတောတတ်ဖို့၊
လုပ်ဆောင်တတ်ဖို့ အားပေးပါ။

Warren Buffet ဟာ ကိုယ်တိုင်ကားမောင်းလေ့ရှိတယ်။ ဒရိုက်ဘာမထားသလို
ကိုယ်ရံတော်လည်း သူ့မှာမရှိဘူး။ ကိုယ်ပိုင်ဟန်နဲ့ ကိုယ့်ဘာသာကိုယ်
လုပ်ဆောင်ပါ။

Warren Buffet ဟာ ကမ္ဘာ့အကြီးဆုံး ဂျက်လေယာဉ်ကုမ္ပဏီကို
ပိုင်ဆိုင်သည့်တိုင် ဘယ်တော့မှ ကိုယ်ပိုင်ဂျက်လေယာဉ် မစီးသူဖြစ်တယ်။
စီးပွါးရေးနည်းလမ်းကျကျ အရာရာပြီးစီးနိုင်ဖို့ သူအမြဲတွေးတောလေ့ရှိတယ်။

သူ့ကုမ္ပဏီဖြစ်တဲ့ Berkshire Hathaway မှာ ကုမ္ပဏီပေါင်း (၆၃)ခုရှိတယ်။
သူဟာ ကုမ္ပဏီက စီမံခန့်ခွဲရေး အကြီးအကဲတွေကို တစ်နှစ်မှာ
စာတစ်စောင်ရေးပို့လေ့ရှိတယ်။ အဲဒီစာထဲမှာ ကုမ္ပဏီရဲ့
ရည်မှန်းချက်တွေပါတယ်။ သူဟာ ဘယ်တော့မှ လုပ်ငန်းလုပ်ရိုးလုပ်စဉ်
အစည်းအဝေးတွေ မလုပ်သလို ဖုန်းဆက်သူလည်း မဟုတ်ဘူး။ သင့်တော်တဲ့လူအတွက်
သင့်တော်တဲ့အလုပ်ကို လုပ်စေတယ်။

စီမံခန့်ခွဲရေးအကြီးအကဲတွေကို သူစည်းကမ်းနှစ်ချက်ပဲထုတ်တယ်။
(၁) အစုရှင်ရဲ့ငွေတွေကို မဆုံးရှုံးစေနဲ့။
(၂) နံပါတ်(၁)စည်းကမ်းချက်ကို မမေ့ပါနဲ့။
ရည်မှန်းချက်ထားပြီး အဲဒီရည်မှန်းချက်အတိုင်း သေချာလုပ်ဆောင်ကြဖို့
မမေ့နဲ့လို့ဆိုပါတယ်။

Warren Buffet ဟာ လက်ကိုင်ဖုန်းမကိုင်သလို သူ့အလုပ်စားပွဲမှာလည်း
ကွန်ပျူတာမထားပါဘူး။

အထက်တန်းလွှာ လှုပ်ရှားပျော်ရွှင်ပွဲတွေမှာ သူမပါသလို သူ့အားလပ်ချိန်က
ပေါက်ပေါက်(Popcorn)တချို့နဲ့ တီဗီကြည့်တာပဲဖြစ်တယ်။ မထုတ်ဖော်၊
မကြွားဝါပါနဲ့။ စစ်မှန်တဲ့ ကိုယ်ပိုင်ဟန်အတိုင်းနေပြီး
ကိုယ်လုပ်သမျှအရာပေါ် သာယာကြည်နူးပါ။

ဘီဂိတ်လ်က ကမ္ဘာပေါ် အချမ်းသာဆုံးလူဖြစ်တယ်။ လွန်ခဲ့တဲ့(၅)နှစ်မှာ
ဘီဂိတ်လ်နဲ့ Warren Buffet တို့ ပထမဆုံးအကြိမ် ဆုံကြတယ်။ Warren Buffet
ဟာ သူနဲ့ အရာရာမတူသူလို့ ဘီဂိတ်လ်က ထင်ခဲ့တယ်။ ဒါကြောင့်
အဲဒီတွေ့ဆုံပွဲကို အချိန်တစ်နာရီပဲ သတ်မှတ်ခဲ့တယ်။ နောက်ဆုံးမှာ
(၁ဝ)နာရီကျော်ကြာ သူတို့တွေ့ဆုံခဲ့ပြီး နောက်ဆုံးမှာ ဘီဂိတ်လ်ဟာ Buffet
ကို ယုံကြည်ကိုးကွယ်သူဖြစ်လာခဲ့တယ်။

လူငယ်တွေကို Buffet ရဲ့ အကြံပေးချက်ကး

အကြွေးဝယ်ကတ် (Credit card)နဲ့ ဝေးဝေးနေပါ။ ကိုယ့်ကိုယ်ကို
ရင်းနှီးမြှုပ်နှံပြီး အောက်ကအချက်တွေကို မှတ်ထားပါ။

(၁) ချမ်းသာကြွယ်ဝခြင်းက လူတွေကို မဖန်ဆင်းဘူး၊ လူတွေကသာ
ချမ်းသာကြွယ်ဝမှုကို ဖန်ဆင်းတယ်။ ရိုးရှင်းတဲ့ ဘဝကို ဖြတ်သန်းပါ။

(၂) လူများပြောသလို လိုက်မလုပ်နဲ့၊ များများနားထောင်ပြီး အကောင်းဆုံးလို့
ကိုယ်ထင်တဲ့အရာကို လုပ်ပါ။

(၃) နာမည်ကြီးတံဆိပ်တွေနောက် မလိုက်နဲ့။ ကိုယ်နဲ့သင့်တော်ပြီး
သက်တောင့်သက်သာရှိတဲ့ အဝတ်အစားကို ဝတ်ပါ။ ငွေကြေးတွေကို
မလိုအပ်တဲ့ပစ္စည်းအပေါ် မသုံးဖြုန်းပါနဲ့။ တကယ့်ငွေကြေးလိုအပ်တဲ့ လူတွေအပေါ်
ငွေကိုသုံးပါ။

(၄) ဒါဟာ သင့်ကိုယ်ပိုင် ဘဝဖြစ်တယ်။ ဘာဖြစ်လို့ သင့်ဘဝကို တခြားလူနဲ့
အထိန်းချုပ်ခံမလဲ?

အပျော်ရွှင်ဆုံးလူဆိုတာ အကောင်းဆုံးတွေကို ပိုင်ဆိုင်ထားချင်မှ
ပိုင်ဆိုင်မယ်။ ဒါပေမယ့် ဘဝလမ်းတစ်လျှောက် တွေ့ကြုံခံစားရတဲ့
အရာတစ်ခုတိုင်းကို သူတို့တန်ဖိုးထားတယ်။ ဒီလို လူ့ဘဝလမ်းကို
ကျွန်တော်တို့ ရွေးချယ်ကြပါစို့!