ပန်ပါတယ်။ အဲဒါကို မြင်တဲ့အခါ
ကျောင်းသားတွေအားလုံးရယ်ကြပါတော့တယ်။

ရယ်သံတွေစဲသွားတော့မှ ပါမောက္ခကြီးက "အခု ... ဆရာက ဒီပုလင်းကို
မင်းတို့ရဲ့ဘ၀လို့ သဘောထားကြည့်စေချင်တယ်။ ဂေါက်သီးလုံးတွေက မိသားစုတို့၊
သားသမီးတို့၊ ကျန်းမာရေးတို့၊ သူငယ်ချင်းကောင်းတို့၊
ကိုယ်တန်ဖိုးအထားဆုံး အနှစ်သက်ဆုံးအရာတို့စတဲ့ အရေးကြီးတဲ့
အရာတွေပေါ့ကွာ။ တခြားဟာတွေ ဘာမှမရှိတော့ဘဲနဲ့ သူတို့ချည်းပဲ
ကျန်ခဲ့ရင်တောင် ဘ၀ကိုပြည့်စေမယ့်အရာတွေပေါ့။
ကျောက်စရစ်တွေကတော့တခြားအရေးပါတဲ့ အလုပ်တို့၊ အိမ်တို့၊ ကားတို့ပေါ့ကွာ။
သဲတွေကတော့ ကျန်တဲ့ သေးသေးမွှားမွှား အရာအားလုံးပေါ့။ သဲတွေကိုသာ
ပုလင်းထဲအရင်ထည့်မယ်ဆိုရင် ကျောက်စရစ်ခဲတို့ ဂေါက်သီးလုံးတို့အတွက်
နေရာရှိတော့မှာမဟုတ်ဘူး။ ဘ၀မှာလည်း ဒီလိုပဲ။ မင်းတို့ရဲ့ အချိန်တွေ
လုပ်အားတွေကို သေးသေးမွှားမွှားကိစ္စတွေ အတွက်ပဲအကုန်လုံးသုံးပစ်ရင်
တကယ်အရေးကြီးတဲ့အရာတွေအတွက် ဘယ်တော့မှ ကျန်မှာမဟုတ်ဘူး။
ကိုယ့်စိတ်ချမ်းသာမှုအတွက် အဓိကကျတဲ့ အရာတွေကို အလေးထားပါ။ သားသမီးတွေ
ရှိလာရင် ကလေးတွေနဲ့ အချိန်ပေးပြီး ကစားပါ။ ကျန်းမာရေးကိုလည်း
ပုံမှန်စစ်ဆေးပါ။ ကိုယ့်ဇနီး/ခင်ပွန်းသည်နဲ့ ညစာအတူတူထွက်စားတာမျိုးတွေ
လုပ်ပေးပါ။ ကိုယ်နှစ်သက်မက်မောတဲ့ အားကစားတို့ ၀ါသနာပါရာတို့ကို
စိတ်ကျေနပ်လောက်တဲ့အထိ လုပ်ပါ။ ကိုယ့်အတွက် တကယ်အရေးပါတဲ့

ဂေါက်သီးလိုမျိုး အရာတွေကို အလေးထားပါ။ ကိုယ့်အတွက် ဘယ်အရာက
ဘယ်လောက်အရေးကြီးလဲဆိုတာကိုလည်း အဆင့်ခွဲခြား သတ်မှတ်ထားပါ။
ကျန်တာတွေကတော့ သဲတွေပါပဲကွာ။"

အဲဒီအချိန်မှာ ကျောင်းသူတစ်ယောက်က လက်ကိုထောင်ပြီး ကော်ဖီက
ဘာကိုကိုယ်စားပြုတာလဲဆိုတာ မေးလိုက်ပါတယ်။ ပါမောက္ခကြီးက ပြုံးလိုက်ရင်း
"အဲဒီလိုမေးတဲ့အတွက် ဆရာဝမ်းသာပါတယ်။ အဲဒါကဘာကို ပြောချင်တာလဲဆိုတော့
မင်းတို့ရဲ့ဘ၀မှာ ဘယ်လောက်ပဲ လုပ်စရာတွေပြည့်နေပါစေ
သူငယ်ချင်းကောင်းတစ်ယောက်နဲ့ အေးအေးဆေးဆေးထိုင်ပြီး ကော်ဖီ(၂)ခွက်လောက်
သောက်ဖို့အတွက် နေရာလွတ်(အချိန်)လေးတွေတော့ အမြဲရှိနေသေးတယ် ဆိုတာပါပဲ။"